Gwella mynediad at ddata cyhoeddus yng Nghymru

Lluniwyd yr adroddiad er mwyn gwella'r broses o gasglu a defnyddio gwybodaeth a'i gwneud yn fwy effeithlon ac effeithiol, gan gynnig tryloywder i ddefnyddwyr a busnesau yng Nghymru. Mae'r prosiect yn archwilio sut i leihau'r baich gweinyddol ar awdurdodau lleol o ran adrodd ar ddata; sut i fabwysiadu prosesau rhannu data effeithiol ar draws y system reoleiddiol a sut i sicrhau bod data'n cael ei ddefnyddio yn fwy tryloyw.

Meddai Steve Wearne, Cyfarwyddwr yr ASB yng Nghymru: “Fel rheoleiddiwr cenedlaethol ac awdurdod sy’n atebol i’r Undeb Ewropeaidd am ddiogelwch y bwyd sy’n cael ei fwyta gan y cyhoedd yng Nghymru, mae gwybodaeth am berfformiad rheoleiddiol yn hanfodol. Rydym felly’n croesawu’r adroddiad hwn a’r pwyslais y mae’n ei roi ar sicrhau bod rheoleiddwyr, ar lefel genedlaethol a lleol, yn cydweithio’n effeithiol.”

Mae’r Asiantaeth Safonau Bwyd (ASB) yn aelod o Fforwm Rheoleiddwyr Cymru, menter a sefydlwyd ar y cyd gan y Swyddfa Gwell Rheoleiddio Leol (LBRO) a Llywodraeth Cymru. Mae’r fenter hefyd yn cynnwys rheoleiddwyr lleol a chenedlaethol eraill.

Mae manylion yr adroddiad ar gael drwy’r ddolen isod.